Friday, July 29, 2011

I Am Legend

May attempt akong puro movie titles yung magiging title ng posts ko. Haha. Sana mapanindigan. Para swak sa tema ng blog. Mahihiya yung Gossip Girl. Pero yung saken, walang twists. Ayoko na mag-isip. Dahil napag-usapan na rin ang tema, medyo nakakahilo 'tong blogger ah. Ang daming magandang themes, backgrounds, colors pero nagstick na ko sa gamit ko ngayon kasi mahilig ako sa mga tao. Mahilig makipag-usap, makinig, makipagkulitan at kahit manuod lang. Sabi samen sa teatro, ang pinakamabisang paraan para maging mahusay na artista ay magmasid ng mga tao. Umupo ka sa isang coffee shop, tapos mag-observe ka lang ng isang tao tapos ang dami mo ng malalaman sa mga kilos niya. 

Pero hindi pala tungkol sa acting ang post na ito. Hindi rin ito tungkol sa pelikula ni Will Smith. Tungkol ito sa akin. Para naman may konting background kayo sa nagpapakilalang si Drama King. 

1. Una, 26 years old na ko. 5'10, hawig ni John Lloyd (Haha. Gusto ko maniwala kase sabi ng mga officemates ko), medyo maputi, muntik ng maging chubby pero buti na lang naagapan ko at ngayon ay pinipilit na magpaganda ng katawan sa gym. 

2. Isa akong guro habang tinatapos ang aking masters sa teatro. Pero hindi theater arts ang undergraduate ko. 

3. Mahilig akong manuod ng mga pelikula kaya feeling ko minsan, pelikula rin ang buhay ko. Nung nilabas ni KC Concepcion yung kanta niyang Not Like The Movies, sobrang nakarelate ako. Naiyak nga ako. Ako na ang emo. 

4. Madami akong kaibigan. As in. Meron sa college, merong mga orgmates ko, at meron nung high school ako. In fact, lagpas 1000 ang friends ko sa Facebook. 

5. Mama's boy ako. Si Mama ang pinakamahal kong tao sa buong mundo. 

6. Nagkaroon ako ng girlfriend nung high school. Tapos habang kami pa, nagkaroon din ako ng boyfriend. Pinili ko si boyfriend pero iniwan niya rin ako eventually. Nagdugo ang puso ko. Buti na lang, nakabili ako napkin. 

7. Apat na taon na akong single. Ang huling nakarelasyon ko, nung 2007 pa. Hindi ko alam kung bakit hanggang ngayon single pa rin ako. Minsan gusto ko na maglaslas. Buti na lang marami akong kaibigan. Pero seryoso, hindi ko alam kung bakit. Maraming magiging posts ko ang tungkol sa pagiging single ko. :D

8. Hindi pa ako nagsstay sa ospital. Hindi counted yung tuli ah. Swerte ko nga eh. Sana tuluy-tuloy lang. Yay!

9. Gusto kong pumunta sa Europe! Unahin ko siguro yung Paris, tapos Athens, Barcelona, Berlin. Inggit na inggit ako sa mga kaibigan ko na nakapunta na sa mga lugar na yun. Binibigyan ko ang sarili ko ng 10 years para makapunta dun. 

10. Gusto kong maging artista. Gusto kong umarte at hangaan ng mga tao sa aking galing at talento. Pero madali lang sabihin 'to. Yung gawin ang napakahirap. 

Sa mga susunod na posts ko, mas makikilala n'yo ko. :)

-----

I Am Legend is a 2007 post-apocalyptic science fiction film directed by Francis Lawrence and starring Will Smith. It is the third feature film adaptation of Richard Matheson's 1954 novel of the same name, following 1964's The Last Man on Earth and 1971's The Omega Man. Smith plays virologist Robert Neville, who is immune to a vicious man-made virus originally created to cure cancer. He works to create a remedy while living in Manhattan in 2012, a city inhabited by violent victims of the virus. The film's plot is an example of a "Last Man on Earth" story.

Virgin People

Sa wakas! Sa loob ng halos dalawang taon na pagbabasa ko sa mga blogs, nagkaroon na rin ako ng lakas ng loob na gumawa ng sariling akin. Actually, meron na ako nung college ako. Pero dahil uso lang 'nun, ayon nakalimutan ko na rin. Kaya kahit hindi naman talaga ako "virgin" na sa pagbablog, feeling ko, virgin ulit ako! 

Maraming rason kung bakit hindi ako gumawa ng blog noon at naging masugid na tagapagbasa lamang. Una, may mga naisusulat ako sa aking multiply site ba pakiramdam ko ay sapat na para sa mga nararamdaman ko sa isang partikular na panahon/pagkakataon. Ikalawa, gusto ko sana laging may updates ang blog ko at natakot ako na baka hindi ko naman magawa kapag nagsimula na ko (na nangyari sa unang blog ko dito). At huli, gaya siguro ng karamihan ng nagsusulat ng blog, gusto ko ng audience at mga mambabasa sa mga sinulat ko. May pangamba akong wala namang magbabasa sa akin. Hanggang blog, laos ako! Parang hindi naman masaya pag ganun. 


Pero sa araw na ito, magbabago na ang lahat. Dahil nagkapowers na ako! Hindi naman para maging Spiderman o Darna kundi upang maging si DRAMA KING. Korni no? Pero naisip ko kase, yan na siguro ang pinakatugmang pangalan ang maaari kong gamitin. Mahilig kasi ako sa mga drama ng buhay (obvious sa title diba?) at kahit paano,magiging handa ang mga mambabasa ko. Kumbaga, hindi sasabihin na, "ay pakadrama ng post ni DK". Naunahan ko na kayo. Pero hindi lang naman ako istrikto sa depinisyon ng drama. Naisip ko rin, bilang nasa teatro ako, akmang-akma ito sa aking pagkatao. 

Feeling ko dapat sa barangay ako nagpapaliwanag. Haha. Hindi pa ako sanay magblog. Pero alam ko, sa dami ng mga kwento at saloobin na gusto kong sabihin, siguro tama nga ang desisyon na buksan ang blog na ito. Kaya sa mga idol kong bloggers, sana po magustuhan n'yo ang mga isusulat ko. Hindi ko pa alam ulit ang boses na gagamitin ko, pero mahahanap ko rin yun pagdaan ng mga araw. 

Excited na ko sa bagong yugto ng buhay ko. 



----


Virgin People is a 1996-film directed by Celso Ad-Castillo. It stars Sunshine Cruz, Sharmaine Suarez and Ana Capri. It is a remake of the 1984 film of the same title.