Virgin People

Sa wakas! Sa loob ng halos dalawang taon na pagbabasa ko sa mga blogs, nagkaroon na rin ako ng lakas ng loob na gumawa ng sariling akin. Actually, meron na ako nung college ako. Pero dahil uso lang 'nun, ayon nakalimutan ko na rin. Kaya kahit hindi naman talaga ako "virgin" na sa pagbablog, feeling ko, virgin ulit ako! 

Maraming rason kung bakit hindi ako gumawa ng blog noon at naging masugid na tagapagbasa lamang. Una, may mga naisusulat ako sa aking multiply site ba pakiramdam ko ay sapat na para sa mga nararamdaman ko sa isang partikular na panahon/pagkakataon. Ikalawa, gusto ko sana laging may updates ang blog ko at natakot ako na baka hindi ko naman magawa kapag nagsimula na ko (na nangyari sa unang blog ko dito). At huli, gaya siguro ng karamihan ng nagsusulat ng blog, gusto ko ng audience at mga mambabasa sa mga sinulat ko. May pangamba akong wala namang magbabasa sa akin. Hanggang blog, laos ako! Parang hindi naman masaya pag ganun. 


Pero sa araw na ito, magbabago na ang lahat. Dahil nagkapowers na ako! Hindi naman para maging Spiderman o Darna kundi upang maging si DRAMA KING. Korni no? Pero naisip ko kase, yan na siguro ang pinakatugmang pangalan ang maaari kong gamitin. Mahilig kasi ako sa mga drama ng buhay (obvious sa title diba?) at kahit paano,magiging handa ang mga mambabasa ko. Kumbaga, hindi sasabihin na, "ay pakadrama ng post ni DK". Naunahan ko na kayo. Pero hindi lang naman ako istrikto sa depinisyon ng drama. Naisip ko rin, bilang nasa teatro ako, akmang-akma ito sa aking pagkatao. 

Feeling ko dapat sa barangay ako nagpapaliwanag. Haha. Hindi pa ako sanay magblog. Pero alam ko, sa dami ng mga kwento at saloobin na gusto kong sabihin, siguro tama nga ang desisyon na buksan ang blog na ito. Kaya sa mga idol kong bloggers, sana po magustuhan n'yo ang mga isusulat ko. Hindi ko pa alam ulit ang boses na gagamitin ko, pero mahahanap ko rin yun pagdaan ng mga araw. 

Excited na ko sa bagong yugto ng buhay ko. 



----


Virgin People is a 1996-film directed by Celso Ad-Castillo. It stars Sunshine Cruz, Sharmaine Suarez and Ana Capri. It is a remake of the 1984 film of the same title. 

Comments

  1. Mac CallisterJuly 29, 2011 at 1:57 PM

    welcome to blogosphere! and thanks for following me...

    and damn, i love your DP!!!

    ReplyDelete
  2. ^travisJuly 29, 2011 at 2:05 PM

    welcome! welcome! mabuti at meron ng "king."

    you are actually my golden follower (50th). thanks!

    ReplyDelete
  3. citybuoyJuly 29, 2011 at 11:45 PM

    Congratulations on starting a blog! :) Naeexcite ako for you. Andaming good things na nangyari sakin because of this avenue. Best of luck! :)

    At naaaliw ako sa titling methodology mo. I had a similar one back then. Gusto ko puro song titles. This;ll be interesting kung paano mo masusustain. ;X

    ReplyDelete
  4. Drama KingAugust 1, 2011 at 6:32 AM

    Mac: Finally may blog na ko! Matagal na akong tagapagbasa lang ng blog mo. Naaliw ako sa mga posts mo. Madalas nakakarelate, except dun sa mga sex stories mo. Haha. Ako na ang dalisay. :) You will love me more sa pagdaan ng mga araw. Haha.

    Travis: Yay salamat po! At mukang schoolmates tayo. Isaw minsan? Ahi. :)

    Citybouy: Wow. I'm shocked. Idol kita grabe! At nagcomment pa! Wuhoooo! :D

    Sana nga mapanindigan. Medyo nahirapan na ko dun sa latest entry ko. Haha. Salamat ulit.

    ReplyDelete
  5. KaneSeptember 22, 2011 at 10:19 AM

    Hey Drama King, kamusta? I've been trying to read some of your entries.

    Okay lang if I ask a favor? Can you make the fonts a little bigger? It would help attract more readers if your site is reader-friendly; such as big fonts and simple colors.

    There are many sites that give tips for new bloggers. Welcome and cheers =)

    Kane

    ReplyDelete
  6. Drama KingOctober 6, 2011 at 6:48 AM

    Hi Kane! I tried lakihan, pero sobrang lumaki naman. Sige hanapan ko ng mas malaking font style para tama lang. Salamat sa pagdaan! Isa itong karangalan para sa isang alamat na gaya mo. :)

    ReplyDelete
  7. Victor SaudadApril 9, 2012 at 12:18 PM

    i like that you have movie trivias at the end of each entry :)

    ReplyDelete

Post a Comment

Popular posts from this blog

Fatal Attraction

U malis ka na pala. Hindi man lang ako nakapagpaalam. Ang daming emosyon. Pero alam ko, pinakamarami 'yung lungkot. Tsaka panghihinayang. Hindi na ko kakabahan tuwing bubukas 'yung elevator sa 3rd floor kasi baka bigla kang sumakay. Hindi na hahaba 'yung leeg ko kakatingin kung nasa smoking area ka sa baba ng office. Hindi na mawawala 'yung atensyon ko sa speaker kapag town hall kasi madalas ikaw ang hinahanap ko. Hindi na ko magmumukhang ewan kapag magkakasalubong tayo - habang nagpapanggap na wala lang ang presensya mo. Mamimiss ko 'yun. Nakakatawa kung paano nagsimula 'yung kwento natin dalawa. Or mas kuwento ko sa'yo kasi hanggang ngayon hindi ko alam kung nagkaroon ba ko ng epekto sa buhay mo. Second year college ako. Freshie ka. Magkaklase tayo sa Anthropology 10. Nung college, naniniwala ako na dapat sa lahat ng klase ko, may magiging crush ko para ganahan ako pumasok. Unang araw ng klase, parang wala akong mapili sa klase natin. Pero sigur
Read more

Zack and Miri Make a Porno

H indi ko na matandaan kung kailan ako nagsimulang mahilig sa porn. Basta ang alam ko, ang porn ngayon, una kong tinawag na triple x. Medyo makitid ang utak at konserbatibo ang pamilya ko. Promise OA sina Mama at Papa. Naalala ko dati kapag nanunuod kaming buong pamilya ng mga pelikula nina Andrew E, tapos sa ending biglang may torrid kissing scene siya sa mga leading ladies niya, sasabihin nina Mama, “o pikit muna kayo.” OA diba? Comedy kasi ‘yun. Kaya ganun na lang ang gulat nila ng buong pamilya kaming manuod ng Amityville sa VHS tapos biglang nagtirahan sa kusina ‘yung mga bida. Na-off bigla ang TV! Tawang-tawa ako sa reaksyon nila. Hindi nila alam na rated-R ang movie. Kaya nasanay na lang ako, na kapag ganun ang eksena, ako na ‘yung yuyuko ng kusa. Hanggang ngayon, hindi pa rin ako komportable makapanuod ng mga medyo maseselang eksena kapag nanunuod sila. Asiwa ba. Awkward ganyan. Pero hindi na naman nila ako pinapapikit. After all, 27 years old na ko. RANG!* Bal
Read more

The Eni-Eni Edition

N alulungkot ako tuwing nakikita kong wala akong bagong post sa blog na ‘to. More basa, more fun na lang kasi ang ginagawa ko. Ewan ko ba at hindi ako makahanap ng inspirasyon o ng kahit topic man lang para makapagsulat. Parang ang boring ng buhay ko ganyan? Pero dahil napakarandom naman ng mga tweets ko sa twitter, naisip kong gumawa ng entry na kung ano-ano lang. Kung ano lang maisip ko ganyan. Kaya nga ang title nitong entry na ‘to ay ENI-ENI Edition. Pass muna sa mga movie titles. ***** G aling akong Sagada ‘nung holy week. Bale nagbyahe kami ng Wednesday night tapos nakarating ng Thursday morning. Dati, hindi talaga ako nakakatulog sa bus. Naalala ko ‘nung nagpunta kami sa Pagudpud ‘nung 2008, 12 hours akong gising. Para lang tanga. Buti na lang at nakatulog ako sa particular trip na ‘to. Ang ganda ng mga bundok at puno sa Mountain Province.  Mas beach (or bitch) person ako pero nakakamangha talaga ang mga bundok dito. Lalo na ang Rice Terraces. Surreal eh. Nababa namin ito ‘n
Read more